KREU - Be Free From It

Udhëtimi i Tingujve

Tingujt e krijuar nga instrumente të ndryshme terapeutike, gjatë një seance, ndikojnë në aktivitetin e valëve të trurit dhe mund të ndihmojnë në arritjen e një gjendjeje të thellë relaksimi, të lidhur me valët Theta. Terapia e tingujve ndërthur parimet e neuroshkencës dhe psikologjisë për të mbështetur mirëqenien tonë fizike dhe emocionale. Studimet mbi ndikimin e muzikës dhe tingujve tregojnë se ato mund të ndihmojnë në uljen e stresit, përmirësimin e humorit, rritjen e përqendrimit dhe nxitjen e kreativitetit, duke sjellë më shumë qetësi, ekuilibër dhe harmoni në jetën tonë.

PSE

Vibrimet, frekuencat e instrumentave krijojnë një gjendje të thellë relaksimi, duke ndihmuar në çlirimin emocional, mendjes dhe zemrës. Ato mbështesin procesin e shkëputjes nga gjurmët e përvojave të mëparshme, duke sjellë qetësi të brendshme, vetëdije dhe harmoni në marrëdhënien me veten dhe të tjerët.

PËR KË

Për ata që kërkojnë qetësi dhe çlodhje. Për ata që dëshirojnë të rikthejnë ekuilibrin emocional, të rigjallërojnë energjinë dhe të përmirësojnë cilësinë e gjumit. Për ata që duan të lehtësojnë stresin dhe tensionin, duke kultivuar fokusin dhe qartësinë mendore. Për ata që dëshirojnë të rilidhen me veten dhe të përjetojnë një ndjenjë më të thellë mirëqenieje.

KUR

Kur ndiheni të bllokuar, sikur keni humbur ekuilibrin dhe lidhjen me veten. Kur dëshironi të ecni përpara, të çlironi modelet e përsëritura që ju mbajnë në të kaluarën. Kur dëshironi të transformoni dhimbjen dhe kur të jeni gati të lini pas zakonet dhe energjitë që nuk ju shërbejnë më, për t’i hapur rrugë një realiteti të ri brenda vetes.