NJË PORTË DREJT NJË REALITETI TJETËR BRENDA VETES.

G jithçka nisi shumë përpara se të merrte një emër. Kam lindur dhe jam rritur mes tingujve. Që në barkun e nënës, muzika ishte pjesë e botës sime. Babai im, kompozitor dhe instrumentist, ndikoi që në fëmijëri në marrëdhënien time me muzikën, e cila u bë pjesë e natyrshme e jetës sime. Tingulli nuk ishte thjesht diçka që dëgjoja por një mënyrë për të shprehur atë që ndieja, për të komunikuar dhe për të eksploruar botën përreth meje. Me kalimin e kohës, kureshtja ime për tingullin më çoi drejt një dimensioni tjetër të tij: vibrimeve dhe ndikimit të tyre në përjetimin fizik, emocional dhe mendor. Kështu u afrova me Terapinë e Tingujve dhe ndoqa një formim të posaçëm në këtë fushë. Megjithatë, marrëdhënia ime me instrumentet ka mbetur thellësisht intuitive: dëgjoj, vëzhgoj dhe ndërthur tingujt pa ndjekur një skemë të paracaktuar, duke i dhënë secilit përjetim rrjedhën e vet.

Më 14 mars 2020, kjo marrëdhënie e gjatë me tingullin mori një formë të re në Shqipëri, me lindjen e Be Free From It dhe zhvillimin e praktikave meditative përmes tingujve. Por Be Free From It nuk është vetëm tingulli apo një praktikë e vetme. Është një hapësirë që buron nga besimi se ndryshimi fillon me njohjen e vetes, me vetëdijen për botën tonë të brendshme dhe me mënyrën se si zgjedhim të jetojmë. Dëshira për të ndarë këtë rrugëtim me të tjerët dhe për t'i parë ata më të lirë e më në harmoni me veten është pjesë e asaj që i jep kuptim Be Free From It. Be Free From It lindi nga tingulli, por thelbi i tij shkon përtej tij: një rrugëtim drejt vetëzbulimit, përtej modeleve dhe kufizimeve që na largojnë nga vetja, drejt mundësive të reja për ta përjetuar jetën. Ju ftoj të vini dhe të shikoni si është të lundrosh në frekuencat e Dashurisë dhe Dritës së Be Free From It dhe të përjetoni harmoninë e përsosur zemër-mendje-trup.

 Përpara fjalës, ishte Tingulli — fuqia që krijon, transformon dhe shëron.

Pyetje dhe Përgjigje për Terapinë e Tingujve

 
1Kur është e dobishme terapia e tingujve?
Terapia e Tingujve është një zgjedhje e dobishme për personat që përjetojnë stres, tension të vazhdueshëm apo vështirësi për t'u çlodhur, si dhe për ata që dëshirojnë të thellojnë përqendrimin, të eksplorojnë botën e tyre të brendshme dhe të krijojnë një marrëdhënie më të vetëdijshme me trupin dhe emocionet.
2Çfarë përfitimesh mund të sjellë Terapia e Tingujve?
Një nga përfitimet më të rëndësishme të Terapisë së Tingujve është krijimi i kushteve për relaksim të thellë dhe qetësim mendor e fizik. Ky përjetim mund të shoqërohet gjithashtu me një vetëdije më të madhe për trupin dhe frymëmarrjen. Përjetimi është individual dhe mund të ndryshojë nga një person te tjetri.
3Çfarë e dallon Terapinë e Tingujve nga dëgjimi i muzikës?
Fizika kuantike studion natyrën vibruese të materies dhe energjisë, ku frekuencat dhe valët luajnë një rol themelor. Muzika organizon frekuenca të ndryshme në melodi, ritëm dhe harmoni, ndërsa Terapia e Tingujve përqendrohet te dridhjet, rezonanca dhe vibrimet e instrumenteve, përtej strukturës melodike.
4Si mund të shërojë tingulli?
Hulumtimet ekzistuese vërtetojnë që terapia e tingujve sinkronizon valët e trurit për të arritur gjendje të thella çlodhjeje. Gjatë një seance, tingujt dhe vibrimet e instrumenteve ndihmojnë në lehtësimin e tensionit fizik e mendor.
5Çfarë lidhjeje ka Terapia e Tingujve me meditimin?
Terapia e Tingujve dhe meditimi kanë një pikë të përbashkët: krijimin e një hapësire për t'u shkëputur nga ritmi i zakonshëm i mendimeve dhe për t'u rikthyer te momenti i tanishëm. Ndërsa meditimi tradicional e drejton vëmendjen te frymëmarrja, trupi apo vëzhgimi i mendimeve, në Terapinë e Tingujve tingujt dhe vibrimet shërbejnë si pikë referimi për përqendrimin dhe praninë. Për shumë persona, kjo mënyrë e përqendrimit e bën më të lehtë relaksimin, edhe pa përvojë të mëparshme në meditim. Në këtë mënyrë, Terapia e Tingujve mund të përjetohet si një formë meditimi përmes dëgjimit.
6Sa seanca duhet të bëj që të shoh rezutate?
Nuk ekziston një numër i përcaktuar seancash që garanton të njëjtin rezultat për të gjithë. Përjetimi varet nga ndjeshmëria individuale, gjendja emocionale dhe fizike, si dhe nga pritshmëritë e secilit person. Disa persona mund të ndiejnë çlodhje dhe qetësi që në seancën e parë, ndërsa për të tjerë këto ndjesi mund të zhvillohen gradualisht me pjesëmarrjen e përsëritur. Vazhdimësia mund të ndihmojë në krijimin e një rutine që i kushton më shumë hapësirë relaksimit dhe kujdesit ndaj vetes. Më e rëndësishme se numri i seancave është t'i jepni vetes mundësinë ta përjetoni këtë proces pa nxitim dhe pa pritshmëri.
7A nevojitet përvojë paraprake në meditim për të marrë pjesë në një seancë të Terapisë së Tingujve?
Jo. Nuk nevojitet asnjë përvojë e mëparshme në meditim apo në praktika të ngjashme. Seancat janë të përshtatshme edhe për personat që marrin pjesë për herë të parë. Gjatë tyre, pjesëmarrësit qëndrojnë të shtrirë, në një pozicion të rehatshëm, dhe udhëzohen të drejtojnë vëmendjen te frymëmarrja, trupi dhe tingujt. Nuk kërkohet të kontrolloni mendimet, të arrini një gjendje të caktuar apo të dini si të meditoni. Mjafton të vini ashtu siç jeni, pa pasur nevojë për përgatitje të veçantë, dhe t'i lejoni vetes ta përjetoni këtë hapësirë në mënyrën tuaj.